מכון אלמדה איז אוועקגעשטעלט געווארן דורך א וועד הרבנים וועלכע האבן געשפירט אז עס איז דא א געוואלדיגע חלל אין דעם נושא פון מתיקות התורה.

יא, עס זענען פארהאן אן א שיעור סדרי הלימוד, פון דף היומי, ביז עמוד יומי, און יעדע קהלה פאר זיך האט אוועקגעשטעלט הערליכע מסגרת’ן פון לימוד הגמרא, אבער פארט זענען דא טויזענטער לומדי גמרא וועלכע רעדן זיך אפ אז זיי שפירן נישט דעם מתיקות התורה.

דעריבער האט ‘מכון אלמדה’ אויף גענומען דעם וועלט בארימטן בעל דרשן און מגיד שיעור, וועלכע האט מיט זיין גאלדענעם שפראך שוין מצליח געווען אריינצוברענגען אט דעם מתיקות התורה אין זיינע הונדערטער תלמידים במשך די יארן, און אים באאויפטראגט דאס צו נעמען צום נעקסטן שטאפל, און אוועקשטעלן דעם ‘גמרא איניציאטיוו’ מיט זיינע הערליכע גמרא שיעורים פאר כלל ישראל אויף א ריזן פארנעם וואס איז נאך ביז היינט נישט געווען.